යන්නට එදා විලසට
නොහැකිවූයේ මට
කිමැයි දෙවියනි කියන් සවනට...........
නුඹ දුටු දිනේ පටන්
හද පත්ලෙහි නිපන්
සොඳුරු සිසිලැති වදන්
නෙතඟ දැල්වේ අඳුරු දුරලන්...............
දහවල් කාලයේ
නුඹ ගෙලෙහි ඇති මාලයේ
සිරිය විඳ විඳ ආලයේ
සිහින උතුරති මගෙ ළයේ............
මා ළඟට එන විට
දකිනා නුඹේ මුවගට
නංවන මදහසට
අකුරු අමුණමි එකින් එකපිට...........
කොතරම් වැඩ තිබුණත්
එකම එක මොහොතක්
වෙන් කරගෙන ඉඩක්
එමි නුඹ දකින අටියෙන්...........
මට මෙන්ම නුඹටත්
මා නොදැක එක පැයක්
ගත කෙරුම එක දිනක්
කල්පයක් නොවෙතියිද සැකයක්..........
නුඹෙ දෑත වෙනතකය
වෙන දෑතක්ද මාතය
එනමුදු අපේ හදවත
බැඳි බැමි කෙසේ ලිහමුද..........
මම නුඹට ආදරෙයි
නුඹත් මට ආදරෙයි
මුළු දවස සිහිකරන්
රැයේ නොනිදමි සිහින විඳිමින්.........
No comments:
Post a Comment