හෝටලයක
පිටිපස්සේ
කරාමයක් ළඟ
ඉඳගෙන
ගොඩට තියෙන
ඉඳුල් පිඟන්
ඉක්මනටම
හෝදනවා..........
මං වගේම
තවත් ළමෙක්
පාසැල වෙත
යන්නෙ නැතුව
සැරින් සැරේ
පිඟන් ගෙනත්
මගේ ළඟින්
ගොඩ කරනව..........
බිම් කලුවර වැඩි වෙද්දී
තුනටිය මගෙ කකියද්දී
ගොඩක් පිඟන් හේදුව පසු
කුස්සිය පැත්තට පැනගෙන
තියෙන දෙයින් කුස පුරවන්
මුදලාලි දෙන සොච්චම
අම්මට ගෙනිහිං දෙනවා.......
කුලී වැඩක්
නැති දවසට
අම්මත් මොනවා කන්ද?
කාල බීල ඉන්න එපැයි
ඉගෙන ගන්න කවද බැරිද?
තාත්තවත් හිටියානං
මෙහෙම වෙන්නෙ නෑනේ පුතේ
පුළුවං විදිහට උඹනං
ඉගෙන ගන්න ඕනෑමයි......
No comments:
Post a Comment