වෙල් එළියේ නියර දිගේ
සරු ගොටුකොල
දඩු නෙලලා
මගේ අතින්
බැන්ද මිටිය
කුඩා වැඩිද
කුඩා වැඩිද............?
මල්ලි පැටිය
බඩගින්නේ
මම නැහැ
පාසැල් යන්නේ
අම්ම ගිහින්
කුලී වැඩට
ඇය එනතුරු
මගෙ මල්ලිව
ඇස් දෙක වගේ
බලා ගන්න
වෙන කවුරුත්
නැහැනෙ ඉතිං.....................
අම්මා ආ විට
ගෙපැළට
මම යනවා
වෙල පැත්තට
නියර දිගේ
දොළ අයිනේ
දළුලන පොඩි
ගොටුකොළ දඩු
නෙලාගන්න
නොලාගන්න.................
ඒව අරං වෙලට ගිහිං
මගේ අතින් සෝදාගෙන
මිටි බැඳලා පොඩි පොඩියට
පිරිසිදුවට මම ගෙනාවා
නෝන මහතුනේ ඔබලට
නෝන මහතුනේ ඔබලට..............
ගොඩක් වෙලා
ඉන්නට බැහැ
බිම් කළුවර
ගිලියි මාව
ඉක්මණටම මමයනවා
අම්මයි මල්ලියි ගාවට........
No comments:
Post a Comment