නැත අයිතියක්

කඳු රැල්ලට එහා මිටියාවත ඈත
පෙම් රජ දහන වේ ගයනා පෙම් ගීත
ඔබ නැති පාළුවේ ඉවසනු බෑ සීත
නැහැ අයිතියක් වෙන කෙනෙකුට ඔය දෑත

ඔබේ පෙම් වදන්

මේ වැලි තලාවේ
මේ තුරු වදුල යට
එකම කුඩයක් යට
එකිනෙකාට තුරුළුව
මුවට මුව ළං කොට
ලොවටම නොඇසෙන සේ
මටම පමණක් ඇසෙන්නට
කෙඳිරූ සොඳුරු
පෙම් වදන්
යළි කෙදිනක
ඔ‍බේ මුවගින්
මගේ සවනතට
අසන්නට ලැබේවිද......

සමුගත් සොයුරිය

තෙමා මිහිකත
පතිතවිය
මගේ දෙනෙතින්
ගිලිහුණු කඳුළු බිඳුවක්......
ඊයේ සවස
මගේ සුරත ගෙන
සුරතල් වදන් තෙපළමින්
ඇවිදගිය නුඹ.....
කෙසේ ඉවසන්නද
මටත් නොකියා
අද මෙසේ නිසසලව
හිඳින වග.....

කමාකළ මැන......

පෑවිල්ල...... පෑවිල්ල.....

නැහැ නොවැ ඉවරයක්....

වියලි තෘණ බිම්....

දෙපා රිදවයි......

දාහය පෙරාගෙන...

දෙඇස නිලංකාර කරවන.....

ඉඩෝරය.... ඉඩෝරය.....

මිහි මඩල ඉරි තලා වියලවයි.... වියලවයි....

ශාපවේවා තොපට......ශාප වේවා.....

අනේ වැසි බිඳක්වත්.....

පෙනෙනතෙක් මානයේ....

සිරිපොදක සලකුණක්.....

පා.......වී පා....වී.... එන්න.....

සීතලයි..... සීතලයි.....

පින්නයි .... සිරිපොදයි...

මගට බහින්නට විදිහක් නෑ......

වහිනවා ....තෙමෙනවා.....

කිළිටි රෙදි පිළි....

ගොඩැලි විලසින් ......

ගෙබිම විසිරී.... තැනින් තැන ඇත.......

නාසය පසාරුකරමින් දුගඳ දනවයි.......

කළු වළා පෙළ යටින්.....

අන්ධකාර තිමිරපට ඉරා.......

පායන්න.... හිරු කිරණ.....

පෙඟී මඩවී ගිය මිහිතලය වියලන්න.....

දයාබර ගේ කුරුල්ලාණෙනි.....,

දයාබර ගේ කුරුල්ලාණෙනි.....,
නව යව්වනියකගේ
සුරත රැගෙන
මුළු ලෝකෙටම ඇහෙන්නට
සතුට භුක්ති විදිමින්
එහාටත් - මෙහාටත්
පියාසර කරමින්
නවාතැන්පලක් සෙවූ නුඹට,
අපි
නවාතැන්පලක්
සකසා දුන්නෙමු........

පුංචි පුංචි රොඩු කැබලි
වරින් වර
පුංචි හොටෙන් ගෙනැවිත්
කූඩුවත් තනාගෙන
නුඹ ඇය සමගින්
එහි පදිංචිවේයැයි
අපි සිතූවෙමු....

මාසයක් දෙකක් යන කොට
පුංචිම පුංචි නුඹේ පැටවුන්ට
රස මසවුළු හොයාගෙන ඇවිත්
ඩිංගෙන් ඩිංග කවන අයුරු
දෑසින් බලන්නට,
ඒ පැටවුන්ගේ
හුරතල්ම හුරතල් කිචි බිචිය
අසා රසවිදින්නට
අපි පෙරුම් පිරූවෙමු.....

ඒත්.........,

අපි තැනූ නවාතැන දුටු නුඹ
අපේ අහිංසක බලාපොරොත්තු
සුනු විසුනු කරමින්
ගියේ ඇයි
වෙනතක....................?

එනු මැනවි යළි
මේ ඉම කරා
ඔබට රැකවරණය දෙමුය අපි.........
නිරතුරුව..

කුමාර.......කුමාර.......

කුමාර......කුමාර...
කුණු කූඩෙ ගෙනියන්න
මේසෙ පිහදාගන්න
යන - එන
ලිපි ගොනු අරං
මේසයෙන් මේසයට
එහාටත් මෙහාටත්
වරක් දෙකක් නොව
සිය දහස් වාරයක්
කොයිතරම් දිව ගියත්
නැහැ නොවැ නිදහසක්
කුමාර.........කුමාර

ලිපි ගොනුව නිවැරදිව
පිළිවෙලට බැදගන්න
රාක්කය පුරා ඇති
විවිධ ලිපි ගොනු වර්ග
එකින් එක පෙලින් පෙල
ලස්සනට අහුරන්න
ලිපියකට අනු පිටපතක්
මොකක්හරි වෙන වැඩක්
නිවැරදිව පැහැදිලිව
කඩිනමින් කරගන්න
සැම දෙනම සැම අතින්
සැම විටම හඩගසයි
කුමාර......කුමාර

උදේ පටං රෑවනතුරු
දවස පුරා
එකම ලෙසින්
දිව යන මුත් ඔපිස් එකක
හිසට කිරුළ අහිමිවගිය
කුමාරයෙක් වෙමිය මමත්...

කෘෂිකර්මාන්තයට නවීන තාක්ෂණය යොදා ගැනීම